باقة شرم بلازا شرم الشيخ – إقامة على ريف فر جاردن

شرم بلازا فندق كبير في خليج باشا، ومش من النوع اللي بتحس فيه بالزحمة حتى لو الفندق مليان. المساحة واسعة، فيه جنينة كبيرة وتقدر تتمشى فيها بالليل من غير ما تحس إنك محبوس في لوبي.

بس الحاجة اللي الناس بتروحله عشانها هي الريف. الفندق عنده جيتي بيوصل على طول لـ Far Garden Reef، وده واحد من أشهر الريفات في شرم للغطس والسنوركلينج. مش محتاج تركب مركب ولا تدفع رحلة، بتنزل من الفندق وبتشوف أسماك وشعاب ملونة على طول. وده اللي بيخلي الفندق اختيار قوي لمحبي البحر.

الغرف بسيطة بس نضيفة، وفيها تكييف وتلفزيون وثلاجة وبلكونة. الفندق فيه مسبح كبير ومنطقة سبا، ومطاعم بتقدم بوفيهات متنوعة. الموقع كمان حلو: نعمة باي على بعد حوالي 3 كم، والسوق القديم على بعد 8-9 كم، يعني قريب من كل حاجة بس بعيد عن دوشة المراكز.

لو بتدور على فندق هادي وموقعه على الريف مباشرة وسعره في المتناول، شرم بلازا يستاهل تفكر فيه. بس اعرف إنه فندق كبير وقديم شوية، فمتوقعش فخامة فنادق الـ 5 نجوم، لكن هتلاقي قيمة مقابل اللي بتدفعه.